Posted on

Nú er hægt að skrá sig á síðunni – RIG !

Nú styttist heldur betur í veisluna

Hér fyrir neðan getið þið skráð ykkur í pílukeppnina sem er partur af stærsta íþróttamóti Íslands
– Reykjavík International Games – , við erum OFF – Venue og er keppninn haldinn upp á Tangarhöfða 2, Pílukastfélag Reykjavíkur
Skráning lokar 11.00 laugardaginn 25. jan 2020, en til þess að allt gangi sem hraðast og best fyrir sig hvet ég ykkur til að skrá ykkur sem fyrst.

Húsið opnar kl 10.00 Byrjað er að keppa 12.00 – Notast verður við tölvur, Dartconnect, til að skrá leikina.

Keppt er í riðlum best af 5, síðan er útsláttur til og með 8 manna á laugardeginum.
Á sunnudeginum verða síðan undanúrslit og úrslit í báðum flokkum, einn leikur í einu í beinni. (Byrjar kl 14.00)
Hér er mikilvægt að fá áhorfendur í sal.

Ég vek athygli á því að EKKERT áfengi verður til sölu á staðnum, en sér svæði verður fyrir þá sem velja að taka með sér nesti. Ekki er leyfinlegt að hafa annað en vatn á keppnissvæði. 

Hér má lesa allt um RIG, www.rig.is
Hér má skoða lista yfir skráða, uppfærður einu sinni á dag
https://tv.dartconnect.com/eventplayers/rig20b

Skráning hér https://kastid.is/?page_id=4532
Eða á netfangið kastid@kastid.is

Hlakka til

Posted on

Velkominn MvG

Við skelltum okkur til Cardiff, Wales, í síðustu viku þar sem Winmau var að halda viðburð til þess að fagna komu Michael van Gerwens, númer eitt í heimi, til Winmau.

Viðburðurinn var haldin á Principality Stadium, líka þekkt sem Millennium Stadium, virkilega skemmtilegt að fá að sjá þann magnaða stað.

Um 50 manns voru á viðburðinum og við litla Ísland með, við erum ennþá í skýjunum með að fá þetta flotta boð.

Á viðburðinum voru líka Bobby George, Mark Webster, Paul Nicholson og fleiri stór nöfn, þar má nefna Vitor Charrua a.k.a. „The Grenade“, sem bæði eru að keppa eða vinna innan pílukasts í heiminum.

Það var að sjálfsögðu skálað ( í LÉTTöl )

MvG heimtaði auðvitað mynd með okkur #celebs #bestbudds 

 

Hér má sjá viðtalið sem tekið var á viðburðinum við MvG

 

 

Við erum kominn með takmarkað magn af Michael van Gerwen pílum á lager, hann hannaði fjögur mismunandi tungsten sett og eitt brass sett, verið velkominn í heimsókn að prófa þessar mögnuðu pílur.

Við hlökkum til að geta boðið ykkur upp á mun meira úrval af píluvörum í framtíðinni……

Posted on

Við verðum á Opnunarmóti Þórs

Við munum keppa á opnunarmóti Þórs á morgun laugardag, í kvöld er einnig Luckydraw og vonandi náum við því.
Við verðum allavega á staðnum einhvað í kvöld.

Við verðum með einhvað af pílum með okkur, endilega pikkaðu í okkur og fáðu að prófa og kaupa draumapílusettið eða kláraður jólagjöfina  <3

Hér má lesa allt um mótið: http://thorsport.is/frett/?id=13749

Hlökkum til að sjá sem flesta

Posted on

Til Hamingju Bláskógarskóli Laugarvatn

Í dag bættist pílukast á listan yfir afþreyingu hjá Bláskógarskóla Laugarvatni.

Í Bláskógarbyggð eru þrír grunnskólar sem eru með þemadaga þessa dagana og sameinast skólarnir og eru með margar mismunandi smiðjur, þar sem börnin geta lært og prófað heilan helling. Ég fékk þann heiður að sjá um pílukast smiðjuna.
Þar voru margir áhugasamir krakkar, og var fróðlegt að sjá að þau sem að lýstu því yfir í byrjun að geta ekki reiknað saman, voru í lok smiðjunar farinn að plúsa þetta allt saman nokkuð örugglega.

Grunnskólin hefur sett upp tvö spjöld og mun í framhaldi bjóða upp á að hægt sé að æfa sig í pílukasti.

Innilega til hamingju, ég hlakka til að kíkja í heimsókn aftur

Posted on

Til Hamingju Hörðuvallaskóli

Við óskum Hörðuvallaskóla til hamingju með að vera búin að bæta pílukasti við sem valfag í skólanum

Fyrr í vikunni settum við upp aðstöðu hjá þeim og í dag var fyrsti tíminn, ég fékk að vera með í dag að kenna undirstöðuatriði pílukast og verð áfram með þeim næstu vikur.

Það er gífurlega dýrmætt að geta byrjað að kenna pílukast snemma, og hver veit nema að næsta íslandsmót unglinga verði risa stórt?

Pílukast er skemmtileg leið til þess að bæta stærðfræði

Ef að aðrir skólar hafa áhuga, ekki hika við að hafa samband hvort sem það er að fá aðstoð við að komast af stað eða uppsettningu á aðstöðu.

Posted on

Fyrirtækjakeppni í pílukasti

Við kynnum í samstarfi við Krómbacher á Íslandi  Fyrirtækjakeppni í pílukasti

Fyrirkomulag keppnis fer eftir fjölda liða

Skráning skal berast í síðasta lagi 1. október 2019

Keppt er einu sinni í mánuði á eftirfarandi dagsetningum:

2019 : 18. október, 15. nóvember, 13. desember
2020: 10. janúar, 7. febrúar, 6. mars, 17. apríl

13. september er opið kvöld þar sem hægt er að mæta, prófa, kaupa pílur og læra grunnatriðinn í pílukasti

Í hverju liði skulu vera að lámarki 4 liðsmenn,
ekkert hámark er á fjölda liðsmanna.
Allir skulu vera skráðir á sama vinnustað (hægt er að bæta við liðsmönnum eftir þörfum)

Aðalvinningurinn er
starfsmannapartý fyrir vinnustaðinn* 
í boði Krómbacher á Íslandi
ásamt fleiri veitingum frá
Kalla K innfluttningsaðila Krómbacher á Íslandi.

Keppnisgjald er kr. 35.000,- á lið (fyrir alla keppninna)

Skráningar og nánari upplýsingar á kastid@kastid.is
og í síma 770-4642 – Ingibjörg
*hámarksfjöldi salurinn rúmar eru 100 manns

PDF til útprenntunar má sækja hér

Posted on

Upphitunarmót fimmtudaginn 22. ágúst

Upphitunarmót

Við verðum með upphitunarmót fyrir PDC mótin
fimmtudaginn 22. ágúst kl. 19.30 á keppnisstað ( gamli officeraklúbburinn, Ásbrú)
Keppnisgjald kr. 1.500,-
Singles 501 – riðlar
Skráning á staðnum til 19.00
eða SMS í síma 770-4642

Hlökkum til að eyða magnaðri píluhelgi með ykkur


Warm up tournament

We will have a warm up tournament at the venue ( The offisersclub, Ásbrú)
thursday the 22. of august at 19.30 – registration at venue until 19.00
Entryfee ISK 1.500,-
Singles 501 –  Round Robin

We look forward seeing you at the venue

Posted on

Unglingalandsmót UMFÍ

Virkilega góð mæting var í dag í pílukast á unglingalandsmóti UMFÍ, keppt var í níu pílna leik þar sem hver um sig fékk níu pílur og stig skráð niður sem skoruð voru.

149 ungmenni á aldrinum 11-18 ára mættu í dag og kepptu.

66 stúlkur og 83 drengir.
Meðaltal stúlkna í dag var 98  og drengja 113

Hér eru hæstu skor dagsins:

Stúlkur
Borghildur með 208 stig
Guðrún Karítas með 200 stig
Sigurborg með 182 stig

Drengir
Davíð Már með 201 stig
Hafsteinn Thor með 188 stig
Heimir Már með 183 stig

Hægt er að mæta milli 10-15 á morgun í báruna til þess að reyna að toppa þessi skor og komast á verðlaunapall

Keppni lýkur 15.00 sunnudag!

 

Posted on

Pílukast á unglinga landsmóti UMFÍ

Við erum á ferð og flugi í sumar, og næstkomandi helgi – um versló verðum við á Höfn í Hornafirði með pílukast á landsmóti UMFÍ

Við munum keppa í níu pílna leiknum okkar sem gerir það einfalt fyrir alla skráða á mótið að stoppa við hjá okkur og kasta níu pílum – hægt er að skrá sig í píluna hjá okkur, en skilirði er að vera skráður á mótið.

Við verðum bæði með keppnisspjöld fyrir standandi og sitjandi (hjólastól) einstaklinga

Staðsetning: Báran

Sérgreinastjóri: Ingibjörg Magnúsdóttir

Sími: 770 4642

Dags- og tímasetning:

Laugardagur 3. ágúst     kl.12:00 – 18:00

Sunnudagur 4. ágúst      kl.10:00 – 15:00

Aldurs- kynjaflokkar:

Strákar 11-18 ára

Stelpur 11-18 ára

Allar nánari upplýsingar og skráning fer fram á https://www.ulm.is

Við hlökkum til að sjá ykkur á Höfn í Hornafirði

Posted on

PDCNB Pro Tour Iceland skráningar

Opið er fyrir skráningar á PDCNB Pro Tour Iceland 23. -25. ágúst

Í stuttu máli

Þú þarft að skrá þig fyrir 21. ágúst á þau mót sem þú villt keppa á  
Fyrir hvert mót mætiru 2 tímum fyrir og skráir þig inn – þú passar að vera í réttum fatnaði

Hér er allt sem þú þarft að vita (langt en mikilvægt að lesa)

Þú þart ekki að vera skráður í pílufélag, eða vera ofur góður í pílu, þetta er mót fyrir ALLA, og bara skemmtilegt að mæta þessum risum, bætir mann sjálfan.
Mótið er ekki kynjaskipt.
Mótið er haldið í Officeraklúbbnum í Keflavík

ATH! Valdir leikir verða sýndir í beinna af LiveDarts Iceland

Samtals eru 5 mót yfir helgina, 2 á föstudag, 2 á laugardag og 1 á sunnudag.

Dagskrá

  • Föstudag 23/8 2019
    • 16:00 – Europe Tour 11 qualification
      innskráning 14:00 – 15:00
    • 19:00 – Europe Tour 12 qualification
      innskráning 17:00 – 18:00
  • Laugardagur 24/8 2019
    • 11:00 – Pro Tour 5
      innskráning 09:00 – 10:00
    • 19:00 – Europe Tour 13 qualification
      innskráning 17:00 – 18:00
  • Sunnudagur 25/8 2019
    • 11:00 Pro Tour 6
      innskráning 09:00 – 10:00

ET stendur fyrir European Tour Qualification (linkur á upplýsingar á ensku)
Keppnisgjald 60 evrur
Beinn útsláttur
Best af 11
Tapari skrifar leik
Sigurvegari fær þáttökurétt á ET móti síðar á árinu (aðrir ekkert)

PT stendur fyrir Pro Tour Event (linkur fyrir upplýsingar á ensku)
Keppnisgjald 30 evrur
Raðað er eftir stigalista á þetta mót
Stigamót þar sem stig telja á heimslista PDC
Beinn útsláttur
Best af 11
Tapari skrifar leik
Hér er verðlaunafé frá 32. sæti

  • 16 x 50 euro   17-32 sæti
  • 8 x 125 euro  9-16 sæti
  • 4 x 200 euro 5-8 sæti
  • 2 x 300 euro 3-4 sæti
  • 1 x 600 euro 2. sæti
  • 1 x 1,200 euro  Sigurvegari

Verðlaunafé er greitt með millifærslu.

DRA reglur gilda á þessu móti hér má lesa þær á ensku

Það helsta sem þú þarft að vera meðvitaður um varðandi reglur (ef þú ert óviss eða vantar nánari upplýsingar hringdu bara í mig og ég útskýri nánar):

Sér keppnissalur er þar á að vera þögn, ekki er í boði að vera með óþarfa tal og fagnaðarlæti. 

Klæðnaður:
Gallabuksur eru ekki leyfðar, né buksur eða pils úr gallaefni eða einhverju sem líkist gallaefni.
Strigaskór eru ekki leyfðir nema sérleyfir sé fyrir þeim
Íþróttagallar eru ekki leyfðir
Ekki má vera með húfu eða neitt á höfði nema með sérleyfi
Ekki má klæðast peysu eða öðru yfir keppnisfatnað
Keppnistreyja skal vera með kraga
Farið er yfir keppnisfatnað þegar þú skráir þig inn

Skráningar – þurfa að berast í síðasta lagi 21/8 2019
Leið 1:
Þú sendir póst á registration@pdc-nordic.tv með þeim mótum sem þú villt taka þátt í, og hvernig þú villt greiða (paypal eða millifærsla) og færð reikning frá þeim.

Leið 2:
Þú sendir póst á kastid@kastid.is með þeim mótum sem þú villt taka þátt í og við sjáum um að skráninginn fari til PDC og rukkum þig

Ef einhverjar spurningar eru ekki hika við að hafa samband, og ég geri mitt besta í að svara þeim

Enn og aftur viljum við þakka Dagar hf. fyrir að fara með okkur í þetta ferðalag, án þeirra væri ekki hægt að gera þetta mót eins glæsilegt og það mun vera.

Hlakka til að sjá sem flesta

Ingibjörg (7704642)

Posted on

Pílufélag Fatlaðra

Stofnað hefur verið félag til þess að byggja
upp pílukast fyrir einstaklinga með fötlun

Við leitum að einstaklingum og fyrirtækjum sem vilja byggja upp og styðja við þetta frábæra verkefni með okkur

Markmið félagsins eru m.a.
-Að setja upp aðstöður um allt land (Eitt spald fyrir standandi einstakling og eitt fyrir sitjandi einstakling, þá geta allir keppt við alla)
– Halda Íslandsmót í flokki fatlaðra einstaklinga
– Taka þátt í Alþjóðlegum mótum og heimsmeistaramóti WDDA*

Allir geta orðið félagsmenn
Sér reglur gilda fyrir þá sem vilja keppa á Íslands- og alþjóðlegum mótum fatlaðs fólks

Við biðjum ykkur um að hafa samband
í síma 770-4642 Ingibjörg eða á netfangið kastid@kastid.is
ef þið viljið taka þátt eða skrá ykkur í félagið

Hægt að leggja beint inn á félagið:
Pílufélag Fatlaðra
Kennitala félagsins: 640119-1360
Reikningsnúmmer: 545-26-7451

Samþykktir félagsins verða settar á heimasíðu þess (í vinnslu)
Félagið hlýðir alþjóðlegum reglum WDDA (*World disability darts)

Gefum sem flestum möguleikan á því að stunda pílukast